ՄԵՐ ՄԱՍԻՆ

Գրախանութի առաջին մասնաճյուղը բացվեց Բարեկամության մետրոյի գետնանցման տարածքում։ Այն ընդամենը մի փոքր տարածք էր, որն այսօր, ընթերցողների սիրո ու վստահության շնորհիվ, վերածվել է մեծ գեղեցիկ գրախանութի։

Երբ 2020 թվականին աշխարհը կանգ առավ համավարակի պատճառով, մենք չկանգնեցինք։ Ընդհակառակը, մենք ավելի ակտիվացանք, զարգացրինք առցանց վաճառքը և ամեն օր հարյուրավոր գրքեր հասցրինք ընթերցողներին։ Հենց այդ տարիներին «ՆՈՐ գրախանութը» ձեռք բերեց մեծ ճանաչում՝ ապացուցելով, որ գիրքը կարող է հասնել յուրաքանչյուր տուն՝ անկախ իրավիճակից։

Եվ մեր ընտանիքը շարունակեց աճել։ 2021 թվականին բացվեց «ՆՈՐ գրախանութի» Ազատության պողոտայի, իսկ 2024 թվականին՝ Զեյթունի մասնաճյուղը։

Այս պահի դրությամբ արդեն մեր գրախանութներում վաճառվել է ավելի քան 1․000․000 գիրք։ Սակայն մեզ համար ամեն վաճառված գիրք ուղղակի թիվ չէ․ այն նոր ընթերցող է, նոր բացահայտում, նոր պատմություն։

Իսկ այսօր, բացի մեր ֆիզիկական գրախանութներից, կարող եք այցելել նաև www.norgrakhanut.am կայքը, որտեղ ոչ միայն հեշտությամբ կկատարեք ձեր պատվերները, այլև կլինեք առաջիններից, ովքեր կծանոթանան գրքային նորույթներին, սպասվող գրական իրադարձություններին և ամենամեծ զեղչերին։