Հայկ Աջապահյան (Սեպտեմբեր 17, 1987թ․, Երևան), հայ գրող, հրատարակիչ, գործարար։ Հիմնադրել է «ՆՈՐ Գրախանութ» գրախանութը, «ԴաՎինչի» ապրանքանիշը և «ԴաՎինչի» հրատարակչությունը։ Գրել է «Կախարդական գրադարանը», «Եգիպտոսի կախարդանքը», «Կարմիր Մոլորակը», «90-ականների Երևանը», «Ամանորի հրաշքը» մանկական գրքերը։

Ծնվել է Երևանում, 1987թ․-ին, հայկական Կիլիկիայի Աջապահյան հնամենի տոհմում։ Սովորել է Երևանի Բենյամին Ժամկոչյանի անվան ֆրանսիական թեքումով դպրոցում։ Դպրոցին զուգահեռ սովորել է Երևանի Ալեքսանդր Սպենդիարյանի անվան 7-ամյա երաժշտական դպրոցի դաշնամուրի բաժնում։

Հետևելով հոր՝ Սամվել Աջապահյանի, և մորական պապիկի՝ Ռաֆայել Կարապետովի օրինակին, ընդունվել և 2010թ․ ավարտել է Հայաստանի պետական ճարտարագիտական համալսարանը՝ ստանալով ինժեների մագիստրոսի աստիճան։

Գրիգոր Քեշիշյանի (Աջապահյանի) թոռնիկն է, որը 1946 թվականին Հայաստան հայրենադարձվելիս արդեն կոմունիստական Հայաստանում ստիպված է լինում փոխել ազգանունը՝ Աջապահյանից Քեշիշյան։ Հետագայում Հայկը նույնպես ծնվում է Քեշիշյան ազգանունով և մինչև 7 տարեկան լինում Հայկ Քեշիշյան։ 1995թվականին հայրը վերադարձնում է տոհմական՝ Աջապահյան ազգանունը։

2018թ․-ին հիմնադրել է «ՆՈՐ Գրախանութ» գրախանութների ցանցը, իսկ 2019թ․-ին հիմնադրել է «ԴաՎինչի» ապրանքանիշը։ 2020թ․ հիմնադրում է «ԴաՎինչի» հրատարակչությունը։

Փակել տեղեկությունը